हिंदी कक्षा 8वीं पाठ 16 बरसात के पानी ले भू–जल संरक्षण

 पाठ 16 बरसात के पानी ले भू–जल संरक्षण

छत्तीसगढ़, शब्द मन के हिन्दी अर्थ - पाथन पाते है,

रिसथे = रिसता है, जघा = जगह, नरवा = नाला, पाबोन = पाएँगे, सरलग = लगातार, सकलावत हे = कम हो रहे हैं, इक्ट्ठे हो रहे हैं, बुड़ जाथे = डूब जाते है, टिपटिप ले = लबालब, फोकटे-फोकट = फालतू, सकलाय = एकत्रित, तीर-तकार = आस-पास, चिखला = किचड़, निस्तार = निर्वाह, गुजारा।

प्रश्न और अभ्यास

पाठ से

प्रश्न 1. भू-जल काला कहें?

उत्तर - जमीन के खाल्हे म जमा होथे वो पानी ल भू-जल कहथे।

प्रश्न 2. भू-जल के उपयोग काबर बढ़ गेहे ?

उत्तर - पाछू कुछ साल म हमर शहर अऊ गाँव के आबादी बहुत बढ़गे हवय एखरे सेती पानी के माँग पूरा करे बर भू-जल के उपयोग घलो बढ़गे हे।

प्रश्न 3. भू-जल के भंडार काबर कम होवत जात हे ?

उत्तर - बिजली मिले के कारण शहर अऊ गाँव म बहुत जादा नलकूप लगे हे, जेखर ले भू-जल निकाल के घरु उपयोग के संगे संग खेती किसानी अऊ कल-कारखाना म घलो ओखर उपयोग करे जात हे, एखरे सेती भू-जल के भंडार कम • होवत जात है।

प्रश्न 4. बारामासी नदिया-नरवा के कम होय के का कारण हे ?

उत्तर- जंगल के भारी कटाव अऊ गहन खेती के कारण बारामासी नदिया-नरवा कम होत जात हे।

प्रश्न 5. बरसाती पानी के जमीन के भीतर कम रिसे के का-का कारण हैं ?

उत्तर - बरसाती पानी के जमीन के भीतर कम रिसे के निम्न कारण हे-

1. शहर अउ बड़े गाँवं म नवा-नवाँ घर बनत जात हे, सड़क अउ नाली पक्का होवत हे, तरिया पटावत हे या सुखावत है, मैदान सकलावत हे अउ पेड़ पौधा कम हवित जात है। ये सबक नताजा ये हे कि शहर अउ बड़े गाँव म बरसने वाला पानी जमीन म कम रिसथे।

प्रश्न 6. बरसाती नदिया-नरवा के पानी ल कइसे रोके जा सकत हे ?

उत्तर - बरसाती नदिया-नरवा के पानी ल छोटे-छोटे बाँध बना के रोके जा सकत हे ?

पाठ से आगे

प्रश्न 1. भू-जल के भंडार ल बढ़ाय के उपाय हो सकत है लिखव ? कक्षा म चर्चा करके लिखव।

उत्तर - भू-जल के भंडार ल बढ़ाय के उपाय-

1. फोकट-फोकट बहने वाला पानी ल कुछ सरल उपाय करके जमीन के भीतर पहुँचाय जा सकत है।

2. छत अउ छानी छप्पर से पानी बोहा के निकल जथे ये पानी ल सोखता गड्ढ़ा बना के सहज रूप म जमीन के भीतर पहुँचाय जा सकत हे।

3. कहु तीर-तकार म कुँआ हे त ये पानी ल ओमे भरे जा सकत हे।

4. मकान के अँगना या तीर-तकार के खुला जमीन ले बोहावत पानी ल घलो सोखता गड्ढ़ा म डारके जमीन के भीतर पहुँचाय जा सकत है।

प्रश्न 2. कुँआ अउ नलकूप म पानी के आवक कइसे बढ़ाय जा सकत हे ? गाँव के सियान मन ला पूछ के लिखव ।

उत्तर - कइ ठन शहर-गाँव म अइसे छोटे-छोटे नदिया- नरवा हवय जेमा सिरिफ बरसात के दिन म पानी बोहाथे। अइसे नदिया-ना के पाट म जमीन के भीतर पानी रोकने वाला बाँध बना के पानी ओखरे पाट भीतरी घलो रोके जा सकत है। एखर ले कुँआ-नलकूप मन म पानी के आवक बढ़ जाही।

प्रश्न 3. भू-जल के संग्रहण काबर जरूरी हे ? सोंच के लिखव। अगर जल के संग्रहण नई करही त का हो जही विचारव।

उत्तर- पानी सबो परानी बर जरूरी है। पानी के बिना काखरो काम नइ चलय। एखरे कारण कहे जाथे कि "जल हे त जीवन हे।" देश के जनसंख्या दिन के दिन बढ़त जाथे, अउ पानी ह त ओतकेच के ओतकेच हे, फेर एखर बउरड्या दिन के दिन बढ़त जावत है, इही खातिर पानी ह कीमती परे ल धर लेहे। भू-जल संग्रहण ले कुछ महीना तक निस्तार बर पानी मिल सकही। सुक्खा के दिन म ये पानी ह हमर काम आ सकथे। इही खातिर जल के संग्रहण जरूरी हे।

भाषा से

प्रश्न 1. समास विग्रह करके नाव लिखव

भू-जल, कल-कारखाना, छप्पर-छानी, नदिया-नरवा, खेती-किसानी, पेड़-पौधा।

उत्तर- भू-जल –भू का जल –तत्पुरुष समास

कल-कारखाना–कल और कारखाना–द्वन्द्व समास

छप्पर-छानी –छप्पर और छानी –द्वन्द्व समास

नंदिया-नरवा –नदिया और नरवा –द्वन्द्व समास

खेती-किसानी–खेती और किसानी –द्वन्द्व समास

पेड़-पौधा –पेड़ और पौधा –द्वन्द्व समास

प्रश्न 2. खाल्हे लिखाय वाक्य मन ले विशेषण विशेष्य- छाँट के लिखव-

(क) ओखर खाल्हे ठोस चट्टान होथे।

उत्तर - विशेषण-ठोस, विशेष्य - चट्टान।

(ख) जंगल के भारी कटाव अउ खेती के कारन बारामासी नंदिया-नरवा कम होवत जात हैं।

उत्तर - विशेषण भारी अउ बारामासी, विशेष्य-नदिया अउ कटाव ।

(ग) हम अपन शहर अउ बड़े गाँव म देखन त हम पाबोन के उहाँ नवा-नवा घर बनत जात हे।

उत्तर - विशेष नवाँ-नवाँ अउ बड़े विशेष घर अउ गाँव।

(घ) शहर अउ बड़े गाँव म कई ठन सुक्खा अउ बेकार तरिया रीथे ।

उत्तर - विशेषण - बड़े, सुक्खा अउ बेकार

विशेष्य गाँव अउ तरिया।

प्रश्न 3. पाठ म आय अनुनासिक (०) अउ अनुस्वार (')

वाले शब्द मन ल छाँटके लिखव-

उत्तर - अनुनासिक (*) वाले शब्द

गाँव, हवंय, बूँद, हँसना, कुँआ, उहाँ, नवाँ, अँगना, पहुँच, नंदिया, बाँध

अनुस्वार ( ं) वाले शब्द

भंग, जन्तु, संग, गंदगी, भंडार

प्रश्न 4. खाल्हे लिखाय शब्द मन ला अपन वाक्य म प्रयोग करव-

उत्तर- आबादी, बारामासी, संगे-संग, तीर-तकार, निस्तार ।

आबादी - देश के आजादी दिन के दिन बाढ़त हवय ।

बारामासी - जंगल के कटावा अउ गहन खेती के कारण बारामासी नरवा कम होवत जात हे।

संगे-संग - बचपन में कृष्ण अउ सुदामा संगे-संग खेले रिहिस।

तीर-तकार - घर के तीर-तकार में एक ठन कुँआ रिहिस।

निस्तार - भू-जल के संग्रहण ले कुछ महीना तकं निस्तार बर पानी मिल सकही।

प्रश्न 5. "पानी हे, त जिनगानी हे" ये विषय ल लेके दस वाक्य लिखव।

पानी हे, त जिनगानी हे- पानी सब्बो परानी मन बर बहुत

जरूरी है। पानी के बिना कोई जीवित नइ रही पाही। पानी नहायेबर, पियेबर, सफाईबर, सिंचाई बर जरूरी है। पानी ह खाना ल पचाथे। रासानिक उद्योग म भी पानी जरूरी हवय। बहुत अकन पौधा के बीज ह पानी से संचरित होथे। मछली पालन में भी पानी के आवश्यकता होथे। पानी के एक बूँद भी अकारण नइ गवाना चाही। पानी के बूंद-बूंद ल सकेल के रखना जरूरी है। एखरे कारन कहे जाथे पानी हे त जिनगानी हे।

प्रश्न 6. गाँव के नंदिया, तरिया अउ बोरिंग के पानी ल प्रदूषित होय ले बचाय के उपाय लिखव ।

उत्तर - गाँव के नदियाँ-तरिया अउ बोरिंग के पानी ल प्रदूषित होय ले बचाय के निम्न उपाय हे-

1. नदिया-तरिया के पानी म नहाना अउ पशु ला नऊहाना नइ चाही।

2. नदिया-तरिया के पानी म कारखाना के निकले गंदा पानी नइ मिलाना चाही।

3. नदिया-तरिया के पानी म कूड़ा-करकट, झिल्ली, पूजा के फूल नइ मिलाना चाही.।

4. नदिया-तरिया अउ बोरिंग के आस-पास शौच नइ करना चाही।